Вардаровата генерација родени “2008“ година успеаа да поминат по уште една пречка во елиминацискиот дел од детската фудбалска лига. Тие вечерва ги совладаа екипите на Албарса и Сарај.
Првата екипа на Вардар полесно од очекувањата успеа да го добие дуелот со екипата на Албарса. Црвено-црните полесно од очекувањата успеаа да ја победат противничката екипа, со конечен резултат од 13:2. Уште по првото полувреме, избраниците на Павел Неделковски ја осигураа победата, кога имаа убедливо водство од 7:1.Во овој дел од натпреварот по два гола беа дело на Арти Азизи и Ненад Дамјаноски, додека по еден постигнаа Лука Трпевски, Стефан Бранковски и Коста Бошковски. Иако имавме голема предност, продолживме со офанзивната игра и во второто полувреме, кога постигнавме нови шест голови. Повторно голгетерски расположен беше Арти Азизи кој запиша два нови погодоци, вкупно четири зад неговото име на овој дуел. До хет-трик стигна Стефан Бранковски, кој додаде нови два гола во овој дел од мечот, додека Матеј Киш го постигна совјот прв гол и втор гол за најмладиот Лука Трпевски, а еднаш погоди и тимот на Албарса. На крајот конечниот резултат гласеше 13:2.
Втората екипа за противник ја имаше екипата на Сарај, која ја совлада со резултат од 5:1. Во првиот дел од мечот имавме целосна доминација на овој дуел, а резултатот со погодок го отвори Павел Котевски за водство од 1:0, кој е генерациски роден “2009“. За кратко време го зголемивме резултатот на 2:0, со голот на Бојан Пешов, откако по левата страна асистираше Павел Андов. До крајот на првиот дел успеваме да го зголемиме резултатот на 3:0, откако екипата на Сарај направи три корни. Сигурен реализатор беше Петар Јаковлевски.
Во вториот дел во листата на стрелци се запиша и Јаков Стојковски, уште еден играч кој е генерациски роден “2009“ година, кој му донесе веќе високо водство на Вардар од 4:0. Во следниот период, противничкиот тим успеа да постигне почесен гол и да го намали резултатот на 4:1, за точка на овој дуел со својот прв гол денес да стави Павел Андов, за конечен резултат од 5:1. Мора да се напомене дека денес на голот беше Филип Сребров, кој длично бранеше а на сето тоа и одбрани удар од белата точка.
За да се пласираат на завршниот турнир, оваа генерација на Вардар во текот на утрешниот ден ќе мора да помине по уште еден противник