Tuesday ,25 June 2024
Последни:
Home > ФК Вардар > У-16 > ФК Вардар помлади пионери со една нога во финалето на Купот на РМ
ФК Вардар помлади пионери со една нога во финалето на Купот на РМ

ФК Вардар помлади пионери со една нога во финалето на Купот на РМ

Помладите пионери на Фудбалскиот тим Вардар пред еден час на терените на Фудбалската Федерација на Македонија во рамките на 1/2 финалето од Купот на Република Македонија остварија убедлива победа со 4-1 . На првиот од двата дуела од 1/2 финалето од купот младите фудбалери на ФК Вардар го совладаа тимот на ФК Македонија Ѓорче Петров .

Вардаровите помлади пионери на полувреме со головите на Марко Ѓоргиевски   и Никола Џурџу замина со предност од 2-0 . Во вториот дел  за Црвено-Црните стрелаше Јакуп Бериша кој зголеми на 3-0 , играчите на Македонија намалија на 3-1 , но  Стефан Милковиќ го врати водството за Вардар од три гола и ги постави конечните 4-1 . Ова меч беше и  деби  натпревар и прв успех на    новиот тренер  на помладите Пионери на ФК Вардар Сашо Тодоровски. Со оваа победа момците направија голема предност пред реванш дуелот и се речиси со една нога во финалето на Купот . Следен предизвик за оваа Вардарова генерација е веќе викендов со гостувањето во Битола кај ривалот Пелистер во премиерното пролетно коло од првенството .