Генерацијата 2009 на фудбалскиот клуб Вардар успеа да се пласира во полуфиналето на меѓународниот турнир „Пирин Куп“. Избраниците на Никола Глигоров ги добија и денешните два дуели и со максимален број на освоени бодови го освоија првото место во групата.
Во рамките на третото коло за противник го имавме тимот на Ферион, кој го совладавме со резултат 6:1. Јаков Стојковски беше играчот кој успеа да го отвори резултатот за водство на Вардар од 1:0, но противникот се врати во игра кога израмни на 1:1. Сепак тоа беше се што успеа да стори екипата од Бугарија. Црвено-црните доминираа на теренот, имаа целосен атак кон противникчкиот гол, а на крајот дојде и убедливата победа. Предноста за 2:1 ја врати Матеј Крстевски, а следниот период во главна улога беше Васко Папалиски кој успеа да постигне хет-трик, со негови три последователни голови, Вардар веќе имаше високо водство од 5:1. До крајот на мечот постигнавме уште еден гол, истиот беше дело на Сулејман Качман кој ги постави конечните 6:1 на овој натпревар.
Во последното коло од групната фаза се сретнавме со екипата на Брестник, од која исто така бевме подобри совладувајќи ја со резултат 4:0. Екипата од Бугарија даде отпор само во првото полувреме, кога резултатот беше 0:0. Со голот на Васко Папалиски поведовме со 1:0, додека предноста за 2:0 ја удвои Јаков Стојковски. Противникот немаше шанса со разиграните вардарци, кои покрај постигнатите голови создадоа уште неколку добри шанси за постигнување на голови. Со вториот гол на Папалиски веќе имавме и водство од 3:0, додека конечните 4:0 на овој дуел ги постави Дарин Михајловски.
На тој начин генерацијата 2009 на Вардар со четири победи од исто толку мечеви го освои првото место во групата. Утре не очекува полуфиналето, додека евентуалното финале ќе го одиграме во недела.