Фк Вардар се врати во Скопје викендов

После едномесечни подготовки во Анталија, експедицијата на Фк Вардар се врати во Скопје.Избраниците на Сергеј Андреев на овие припреми имаа можност да одиграат вкупно девет пријателски натпревари.

Забележаа четири победи, и тоа без примен гол, три нерешени резултати и два порази. Победи забележаа во мечевите против Видзев(2:0) , Амкар(3:0) ,Славија Прага(1:0) и Гуиже Рене(2:0). Без победник одиграа против екипите на Хелиос(2:2), Жилина(0:0) и Металург Запорожје(1:1). Порази се забележани во мечевите со Ѓурѓарден(1:2)  и Улисес(1:3). Постигнаа вкупно 13 , а примија 8 гола . Најдобри асистенти со по две гол-додавања се Асани и Ибричиќ , а најдобри стрелци на подготовките беа Филип Ивановски и Артур Миранјан.

Овие денови момците имаат одмор, а потоа продолжуваат со тренинзи за да бидат подготвени за првиот натпревар во пролетниот дел. Противник е екипата на Силекс. Мечот се игра на први март во Кратово. Новост е и враќањето полека во тренажен процес на Илчо Наумовски и Дарко Глишиќ .

Фото:фквардар.мк