Вардарци се вратија во Скопје, следи последната етапа од подготовките пред ЛШ двомечот

После двонеделни  подготовки во Австрија, вчера црвено-црниот тим го напушти  Бад Татцмансдорф и се врати во Скопје. Екипата пристигна во Македонија вчера во вечерните часови. Следи краток одмор и потоа ќе се одработува “последната етапа“   за натпреварите од Лигата на шампионите.

Вардар во Австрија  мина 14 дена  каде имаше серија тренинзи и вардарци одиграа четири контролни дуели. На првиот  го  победија Адмира со 2:0, потоа доживеаја идентични и минимални порази од Марибор, Матерсбург и Тосно со резултати  1:0. Погодоците за црвено-црните на подготовките ги постигнаа Бесир Исени и Тигран Барсегјан. Следи краток одмор во нашиот главен град, и последната фаза пред заминувањето во Шведска која ќе се реализира во Скопје. Очекуваме дека годинава ќе направиме исчекор во фудбалска Европа и ќе го изненадиме Малме.