Vardar Fans
В четврток со почеток во 16 часот и 30 минути на нашиот најголем стадион во земјава ќе се одигра последниот дуел за оваа натпреварувачка сезона 2015/16. На овој последен натпревар нашите шампиони и официјално ќе го добијат својот десетти љубилеен трофеј.
Вардарци на овој последен натпревар ќе влезат без никакво резултатско значење, но ќе имаат еден посебен мотив за победа и за нова страница во историјата на овој најтрофеен македонски клуб. Имено, Вардарци во овој момент имаа освоено вкупно 77 бодови, и доколку освојат уште нови три на последниот натпревар утре, тогаш ќе влезат во историјата како најуспешен тим со најмногу освени бодови. Доколку победиме ќе стигнеме до љубилејниот 80 бод оваа сезона. Оваа 2016 година нашиот тим има само еден пораз, и тоа во Кратово против Силекс. Оваа сезона имаме запишано 24 победи, 5 нерешени и само два порази. Го очекуваме и 25 триумф, за крај на oваа успешна сезона.
