(ФОТОГАЛЕРИЈА) Форца “надмоќна“ во дуелот со Н. Лисиче, во “Вардар Јуниор“ лигата, генер. “2004“

Во саботата на теренот на новата академија на фудбалскиот клуб Вардар се одигра четвртиот пролетен турнир на фудбалската “Вардар Јуниор“ лига. Се одиграа вкупно осум натпревари, за генерации родени 2003 и 2004 година. Настапија екипите на ФК Вардар, Еуроспорт (Куманово), Ново Лисиче и Форца. Ви ја претставуваме нашата фотогалерија од дуелот помеѓу екипите на Форца и Ново Лисиче, во генерација “2004“, кој заврши со убедлив триумф на Форца. Конечниот резултат на овој дуел гласеше 0:6. Новите играчи на Вардар од следната сезона, браќата Софијаноски постигнаа три гола и тоа Матео (2) и еден за Марко Софијаноски. Останатите погодоци беа дело на Емре Кадри, Давид Чеков и Емир Кусеиновски.