Vardar Fans
Денес во “Сити Мол“ се одржа првата средба на играчите од фудбалскиот клуб Вардар, со своите фанови. Тие имаа можност да се фотографираат со своите идоли да земат автограм од играчите и да им ја дадат својата поддршка пред големиот натпревар, против екипата на Динамо Загреб од лигата на шампионите.
Веќе утре и во недела ќе има ново дружење на играчите и фановите и тоа на “школка“ во градскиот парк, во периодот од 10-22 часот,каде што исто така ќе имате можност за ново дружење со фудбалерите, фотографирање, ќе можете да им ги покажете вашите фудбалски вештини, да играте со нив фудбалче на рачки, плејсштејшн и други игри кои ќе Ви бидат на располагање.
Секој кој не набавил карта да го стори тоа во наредниве денови, бидејќи се ближи почетокот на овој голем спектакл. Карти можете да купите на добро познатите места, како и преку онлајн мрежата на http://www.ticketplus.mk/. Исто така карти има и на билетарницата на Арената Филип Втори, секој работен ден од 10:00 до 18:00 часот.
