Тројца играчи од младинскиот погон на Вардар на тренинг со првиот тим

На првиот тренинг во новата година беа присутни и тројца играчи од младинскиот погон на ФК Вардар. Се работи за триото Стојчевски, Личина и Димков.

Овој првиот јавноста го познава добро. Стојчевски беше дел од првиот тим на неколку натпревари сезонава. Личина и оваа година е повикан на тренинг на првиот тим. Капитенот на младинците на Вардар се очекува и оваа зима да замине со фудбалерите во Анталија на подготовки. Третиот е Виктор Димков. Димков исто така доаѓа од младинскиот погон на Вардар. Димков исто како и на летните, така и на овие, беше повикан од страна на тренерот Седлоски. Тука може да се придодаде и новиот играч на Вардар, Бојан Колески кој важи за млад и многу талентиран играч.

Фото: Кочо Сотировски