Изминатиов викенд генерациите на ФК Вардар го одиграа 2.коло во детската лига

Изминатиов викенд се одигра второто коло во детската фудбалска лига. Генерациите на ФК Вардар одиграа вкупно 9 натпревари, на кои забележаа 6 победи и 3 порази.

Успешно коло имаше вардаровата генерација “2006„ која успеа да ги добие двата дуели со екипата на Форца. Вардар (1) славеше убедливо со резултат 5:0, додека Вардар (2) со резултатски пресврт ги совлада врсниците од Форца со резултат 2:1. Победничко коло имаше и генерацијата “2007„ која беше подобра во дуелите со Сарај. Вардар (1) победи со резултат 7:1, додека исто толку погодоци постигна и Вардар (2) кој го победи Сарај (2) со резултат од 7:0.

Половичен успех во ова коло имаа вардарците кои се родени “2008„ година. Вардар (1) убедливо ја совлада екипата на Форца (1) со резултат 11:0, додека Вардар (2) претрпе пораз од Форца (2) со резултат 1:4. Еден натпревар одигра и генерацијата “2009„ и тоа Вардар (2) кој беше поразен од екипата на Њу Старс со резултат 3:5. Натпревари одиграа и генерацијата “2010„ кои за противник ја имаа екипата на Форца. Вардар (1) победи убедливо со резултат 6:0, додека Вардар (2) беше поразен со резултат 3:6.

Од сите споменати натпревари можевте да прочитате извештаи на нашиот сајт.