Вардар добива големо засилување: Попзлатанов се враќа кај ,,црвено – црните”

Она што го најавивме, сега можеме и да го потврдиме. ФК Вардар добива големо засилување за новата сезона во името на Јован Попзлатанов.

Попзлатанов веќе еднаш настапуваше за Вардар. Дресот на македонскиот тим го носеше од 2018 до 2021 година. Низ историјата, крилото беше дел и од летонски РФС, како и Пелистер и Тетекс.

Дека Вардар добива големо засилување говорат и податоците за изминатава сезона. Попзлатанов оваа сезона одигра 31 натпревар за Македонија ЃП во ПМФЛ и забележа девет асистенции, со уште четири гола. Беше дел и од екипата која го освои Купот на Македонија.

Наскоро очекуваме официјална потврда и од ФК Вардар.