Vardar Fans
Денес, во рамките на 7.коло во Регионалната-Скопска Лига, генер. 2007 на ФК Вардар одигра дуел со екипата на Форца. По договор на клубовите, Вардар беше условно „гостин“ на спортскиот комплекс во населбата Хиподром. На оваа средба избраниците на Влатко Колев дојдоа до висока победа со резултат 9-0 (8-0).
Вардар: Лука Јаневски, Мичо Поповски (К), Рајчин Лука, Фуад Керими, Марко Крстевски, Петар Котевски, Петар Давитов, Иван Блажевски, Филип Смиљков, Михаил Јордановски и Стефан Јаневски.
Веќе во 3.минута поведовме со 1-0, стрелец на голот беше Михаил Јордановски, по што тргнавме да ја удвоиме предноста. Во 5.минута од пенал погоди Петар Давитов за предност со 2-0, а истиот играч во следната акција во 7.минута стрелаше и за високи 3-0 за црвено-црните момци. До крајот се играше целосно пред голот на ривалот, ние успеавме да погодиме уште пет пати за високи 8-0.
Најпрвин погоди Филип Смиљков (4-0), потоа за 5-0 Фуад Керими, со неговиот 3-ти гол Петар Давитов зголеми на 6-0 на 6.минути до крајот на првиот дел. Во последните 5.минути од првиот период имавме уште два погодока, едниот беше дело на Марко Крстевски, а другиот го постигна Петар Давитов.
Во вториот дел црвено-црните им дадоа шанса на играчите од клупата, падна темпото значајно во однос на првиот период. Сепак гостинот не се закани ниту еданаш сериозно кон голот на момците на Колев Влатко. Во вториот дел постигнавме уште еден гол со кој дојдовме до конечните 9-0 на оваа средба, стрелец на истиот беше Иван Блажевски.
