Saturday ,25 May 2024
Последни:
Home > ФК Вардар > У-18 > Кадетите на ФК Вардар подобри од Тетекс
Кадетите на ФК Вардар подобри од Тетекс

Кадетите на ФК Вардар подобри од Тетекс

КАДЕТИТЕ СО ПЕТ ГОЛА ВО МРЕЖАТА НА ТЕТЕКС.

Кадетите на ФК Вардар во рамки на 5.коло ја пречекаа екипата на Тетекс од Тетово. Црвено-црните кадети на оваа средба остварија победа со резултат 5-2 (3-1).

Ова беше натпревар во кој што имавме постојана контрола на играта и резултатот. Брзо поведовме во 6 минута со 1:0 со голот на Дамјан Спасовски од слободен удар. Продолживме со иницијатива и набрзо постигнавме гол , Злате Радески во 8 минута погоди за 2:0, после центар шут од Михајловски. До крајот на полувремето прво ние преку Хабиб Бектеши во 37 минута погодивме за 3:0 кој се најде на вистинското место после одбиена топка, но и гостинот намали на 3:1.

Во второто полувреме се играше рамноправно и гостинот прво намали на 3:2 но до крајот притиснавме и прво во 73 минута преку Александар Миовски после една одлична асистенција на Матеј Ѓорѓиевски зголемивме на 4:2, а со голот на Давид Цековски во 87 минута го поставивме конечниот резултат од 5:2. Во шанси на овој натпревар се најдоа и Марко Крстевски и Михаил Танчев.

Вардар: Краљевски Максим (К), Спасовски Дамјан, Атанасовски Лука, Крстевски Марко, Танчев Михаил, Туша Харбин, Галевски Кристијан, Михајловски Олег, Радески Златко, Бектеши Хабиб и Смиљков Филип.

Играа уште: Милошоски Александар, Анастасов Матеј, Хасиќ Мирза, Ѓорѓиевски Матеј, Миовски Александар, Цековски Давид и Бошковски Андреј