Tuesday ,21 January 2020
Последни:
Home > ФК Вардар > У-18 > Кадетите го победија Шкупи, младинците останаа без бодови
Кадетите го победија Шкупи, младинците останаа без бодови

Кадетите го победија Шкупи, младинците останаа без бодови

Денес на теренот во населбата Јане Сандански, своето 13.коло во младинските фудбалски лиги го одиграа кадетите и младинците на Вардар.

Кадетите на Вардар се вратија на победите, откако го совладаа тимот на Шкупи. Црвено-црните славеа со резултат 2:0. Головите паднаа во второто полувреме од дуелот. Азер Омерагиќ беше играчот кој успеа да го отвори резултатот на 1:0 со гол во 60 минута, додека конечните 2:0 на натпреварот ги постави нововлезениот Атом Фазлиу со погодок во 82 минута.

Вардар: Китановски, Радуловиќ-Величковиќ, Асани, Петејчук, Ѓурковски, Крстевски, Хасани, Гугуљанов, Омерагиќ, Речица, Игнатов.

Во игра влегоа уште и Салиу, Фазлиу и Шабани.

Младинците на Вардар иако беа подобрата екипа на теренот, сепак на крајот останаа без бодови. Екипата на Шкупи триумфираше минимално со резултат 0:1, со погодок во вториот дел од мечот.

Вардар: Стојковски, Мирчевски, Костовски, Мицевски, Манасиевски, Хасановиќ, Ристовски, Ангелковски, Демири, Кртовци, Трајановски.