Кадетите и младинците денес во Тетово против екипата на Ренова го одиграа 22 првенствено коло.
Кадетите иако имаа предност, сепак на крајот го загубија дуелот и останаа без бодови од ова гостување. Муас Демири беше играчот кој ни донесе водство од 0:1 во 14 минута од мечот, но противникот до крајот на првото полувреме успева да го израмни резултатот. Во вториот дел падна еден гол и тоа во нашата мрежа, во 83 минута од мечот за конечен резултат од 2:1.
Вардар: Стојковски, Бојковски, Николов, Митревски, Крстевски, Манасиевски (c), Спировски, Ристовски, Радуловиќ-Величковиќ, Трајановски, Демири.
Младинците немаа проблеми да запишат нова победа во рамките на младинската супер лига. Избраниците на Тодоровски славеа со резултат 1:3. Во 20 минута од мечот успеваме да го отвориме резултатот со голот на Давид Велковски за водство од 0:1. До крајот на првиот дел, односно во 29 минута од мечот, вардарци го зголемија резултатот на 0:2, откако погоди и Мустафа Јусуф. Во вториот дел видовме два гола, по еден во двете мрежи. Најпрво црвено-црните поведоа со 0:3 со вториот гол на Велковски, додека во 75 минута почесен гол и за домаќинот, кој ги постави конечните 1:3 на овој натпревар.
Вардар: Китановски, Радевски, Пешевски (c), Наумчески, Стојчески, Велковски, Ѓорѓиески, Јусуф, Реџепи, Божиноски, Тасев.