Први контролни натпревари за младинските екипи на ФК Вардар

За претстојниов викенд се закажани првите контролни натпревари за младинските екипи на ФК Вардар, како подготовка за пролетниот дел од сезоната. Наши противници ќе бидат екипи кои исто така се дел од најсилната Супер Лига, тоа се Скопје и Кул.

Најпрво во сабота во термините од 11:00 и 13:00 часот контролни натпревари против екипата на Скопје ќе одиграат пионерските екипи на Вардар.

Во недела исто така на спортскиот комплекс во населбата Хиподром ни гостува Кул. Во истите саатници натпревари со овој противник ќе имаат вардаровите кадети и младинци.