Вардар загуби минимално од Работнички, на тест натпревар одигран на Алумина

Екипата на ФК Вардар денес на теренот на Алумина одигра контролен натпревар против екипата на Работнички. Градскиот ривал славеше минимален триумф со резултат 2:1 (1:0).

Екипата на Работнички успеа многу бргу да го отвори резултатот на 1:0, резултат кој долго време беше актуелен. Во вториот дел, вардарци успеаа да го израмнат резултатот со погодокот на нововлезениот Никола Величковски за 1:1 на асистенција од Николовски, но сепак противникот до крајот на мечот повторно го врати водството од еден гол, за на крајот да слави победа со резултат 2:1. Вардар имаше свои шанси на натпреварот, кои останаа неискористени.

Вардар: Гачевски, Ристески, Мишковски, Глишиќ, Велковски, Мицевски (К), Јусуфи, Попзлатанов, Маркоски, Христов и Јаневски.

Шанса за настап во вториот дел добија и младите играчи, Величковски, Цветков и Дошев.