Vardar Fans
Младинците на ФК Вардар денес во тренинг центарот на црвено-црните во Скопје ја пречекаа екипата на Брегалница од Штип. На овој контролен дуел бевме совладани со резултат 4-1, младинците полека го бараат својот „лик“ задоцнија со подготовките и голем број нивни поединци се прекомандувани во првиот тим.
Филип Ивановски оваа средба ја започна со следните 11 играчи: Стојковски, Илиев, Шабани, Мицевски, Хасани, Давидовски, Петејчук, Симев, Исени, Салиу и Живков.
На почетокот на дуелот двата тима играа резервирано, потоа противникот искористи една прилика и го отвори резултатот. Брегалница поведе со резултат кој подоцна се покажа како конечен за првиот период. Ние се заканивме преки Салиу, тој изведе слободен удар топката го закачи „живиот ѕид“ и заврши крај стативата.
Потоа Илиев се закани со глава кон голот на сино-белите. До крајот имаше уште три прилики, две имаа нашите момци. Салиу од 25.метра шутна над гредата на противникот, потоа одкосо Симев упати удар кој најпрвин беше центар-шут, но топката смени правец и за малку ќе го изненадеше противничкиот голман. Штипјани имаа една прилика на крајот, голманот Лука Стојковски вешто одбрани.
Во вториот дел гостинот веќе на самиот почеток по еден контра напад успеа да ја удвои предноста и погоди за 0-2. Ринор Исени потоа имаше две големи прилики за погодок, кои не ги претвори во гол за преполовување на негативата. Две прилики имаше и Петејчук Анатолиј, во првата погоди крај дирекот, во втората ја погоди целта. Одлично се снајде пред противничкиот гол, совладувајќи го поранешниот член на Вардар, голманот на штипјани Китановски Кристијан.
До крајот падна темпото, времето беше топло бидејќи се играше натпреварот напладне, ривалот имаше повеќе опции да менува од клупата за разлика од нас кој речиси и да немавме. Во финишот Брегалница со два гола дојде до победа со резултат 1-4. Стојковски на нашиот гол иако беше совладан четири пати денес имаше дузина одлични интервенции.
