Sunday ,07 March 2021
Последни:
Home > ФК Вардар > У-18 > Младинскиот тим на ФК Вардар ќе одигра тест натпревар со првиот тим на Кадино
Младинскиот тим на ФК Вардар ќе одигра тест натпревар со првиот тим на Кадино

Младинскиот тим на ФК Вардар ќе одигра тест натпревар со првиот тим на Кадино

Денес на теренот во Марино со почеток од 14:00 часот пријателски натпревар со првиот тим на ФК Кадино ќе одиграат кадетите/младинците на ФК Вардар.

Вардар кој ќе биде составен од играчи кои се родени 2002/03 година под водство на Филип Ивановски, денес ќе ја одиграат првата контролка во новата година. Во составот ќе бидат и играчите кои беа на клупата за резерви на првиот пролетен дуел за Вардар во ПМФЛ, како Давидовски, Мицевски и Хасани.

Денес првиот тим на Вардар има слободен ден, а за младите вардарци пријателскиот натпревар со Кадино ќе биде силен тест пред стартот на пролетниот дел од натпреварувачката сезона. Натпреварот најверојатно ќе го проследи и шефот на стручниот штаб на сениорскиот тим, Никола Илиевски-Џиџи, кој полека ги запознава младите играчи, кои треба во продолжение од сезоната да го понесат товарот во борбата за обезбедување опстанок во најсилната македонска лига.