Младинските екипи на ФК Вардар ги одиграа првите контролни натпревари на подготовките во Охрид

Веќе четврти ден три генерации на фудбалскиот клуб Вардар се  наоѓаат во Охрид, каде го одработуваат главниот дел од подготовките за пролетниот дел од сезоната. Момчињата родени “2002“, “2003“ и “2004“ година секојдневно тренираат и по три пати на ден. Се работи на физички и тактички план, како повеќе подготвени би го започнале вториот дел од натпреварувачката сезона. Веќе ги одигравме и првите контролни натпревари на подготовките во Охрид.

Избраниците на Петар Ѓорѓиески, генерација “2002“ одиграа пријателски натпревар со една година повозрасната генерација на Новаци, на кој загубија со 2:0.

Генерацијата родени “2004“ на Ане Андовски се сретнаа со екипата на Фљамуртари и ја совладаа со убедлив резултат од 7:0.

Контролен натпревар одигра и генерацијата “2003“ на Томче Трајановски. Противник ни беше екипата на Фер Плеј која ја победивме со резултат 6:4.