Ојарзабал: Македонскиот првак има добар тим, составен од неколку квалитетни фудбалери

Македонскиот фудбалски шампион, Вардар, утре пред своите гледачи во рамките на третото коло од Лигата на Европа ќе го пречека тимот на Реал Сосиедад од Шпанија. Младиот и перспективен играч на Сосиедат, Микел Ојарзабал пред утрешниот дуел за шпанските медиуми ги искажа своите очекувања од гостувањето на „Филип Втори“.

“Натпреварот против Вардар е од исклучителна важност за нас. Нашата работа во четврток е да си заминеме со три бода. Македонскиот првак има добар тим, составен од неколку квалитетни фудбалери, морам да признаам дека и не бевме баш среќни кога го добивме Вардар за свој противник” , изјави Микел Ојарзабал.