Стојилевски и Фидановски стартери, во поразот на Македонија У16 против Русија

Македонската фудбалска репрезентација до 16 години го одигра првиот контролен натпревар на подготовките во Белек (Турција).

Денес, момците на Тони Јакимовски доживеаа пораз од соодветната селекција на Русија со конечни 3:1, додека на полувреме резултатот беше нерешен 1:1.

Четворица вардарци се наоѓаат со Македонија У16. За денешниот прв дуел против Русија, во стартните 11 се најдоа Марко Стојилевски и Зоран Фидановски, додека во вториот дел во игра влегоа и Никола Величковски и Арбин Курти.

На 24. февруари, истиве репрезентации ќе го одиграат и вториот пријателски натпревар, додека на 25-ти се враќаат во Македонија.