Sunday ,16 June 2024
Последни:
Home > ФК Вардар > У-16 > Гуџуфи погодува и за Македонија, настап за 12 вардарови играчи за своите младински репрезентации во текот на вчерашниот ден
Гуџуфи погодува и за Македонија, настап за 12 вардарови играчи за своите младински репрезентации во текот на вчерашниот ден

Гуџуфи погодува и за Македонија, настап за 12 вардарови играчи за своите младински репрезентации во текот на вчерашниот ден

Дури 12 играчи од редовите на Академијата на ФК Вардар, во текот на вчерашниот ден имаа настапи со своите младински репрезентации.

Македонската селекција до 15 години која е предводена од Добринко Илиевски вчера на тренинг центарот „Петар Милошевски“ го одиграа првиот од двата контролни натпревари против селекцијата на Полска. Македонија славеше на првиот меч со резултат 2:1, а стрелец на двата гола беше токму напаѓачот на Вардар, Бесар Гуџуфи, кој после четирите постигнати голови во дербито со Работнички, својата голеада ја пренесе и во националниот дрес, во кој ја донесе победата на Македонија. Тој беше единствениот стартер од вардаровите играчи, додека настап во второто полувреме забележаа и Јаневски, Милошевски и Павлески.

Македонската репрезентација до 16 години го освои првото место на развојниот турнир во Скопје. Избраниците на Горан Станковски триумфираа и на последниот меч, против селекцијата на Азербејџан, која ја совладаа со резултат 2:1. Повторно минутажа, добија сите играчи од редовите на Вардар. Се работи за Асани, Давков, Ѓорѓоски и Стојановски кој имаше прилика да се запише во листата на стрелци. На овој турнир, Македонија издвојува победи и во дуелите против Саудиска Арабија и Грузија и на двата меча со по резултат 2:0.

Пријателски натпревар во Охрид одиграа селекциите на Македонија и Албанија до 18 години. Избраниците на Горан Станиќ триумфираа со пресврт на овој меч, со конечен резултат од 2:1. Тројца играчи од Вардар беа во стартниот состав на Македонија, се работи за Бојан Димовски, Џемал Ибиши и Божидар Митревски, додека на клупата беше голманот Матеј Андов.