Стојилевски погоди за победа на Македонија У19, Серафимов одигра цел натпревар

Македонија У19 победи на вториот контролен натпревар против репрезентацијата на Кипар. Натпреварот кој се одигра во Струмица заврши со победа на Македонија од 3:2 и тоа со резултатски пресврт со оглед дека на полувреме Кипар беше во предност од 1:2.

Стрелец на победничкиот гол за нашата млада репрезентација беше играчот на Вардар, Марко Стојилевски кој во игра влезе во второто полвреме и погоди во 90 минута, додека Давор Серафимов повторно одигра цел натпревар за составот кој го предводи Неџат Шабани.