Vardar Fans
Фудбалска репрезентација на Македонија до 19 години одигра два контролни натпревари со соодветната селекција на Босна и Херцеговина. Мечевите се играа на тренинг центарот “Петар Милошевски“ во вторникот и денес. Селекторот на оваа селекција Јетон Несими за двомечот со БиХ повика тројца играчи на фудбалскиот клуб Вардар.
Се работи за стоперот и десен бек Андреј Кировски , тој е дел од кадетите на црвено-црните. Новото засилување за младинците кое стигна на почетокот на новата сезона, десниот бек Тодор Тодоровски и играчот од средниот ред Филип Стојчевски. Двата меча со босанските врсници се дел подготовките за квалификациите за европско првенство на оваа црвено-жолта репрезенација. Првиот дуел со селекцијата на Босна и Херцеговина македонските фудбалски надежи го завршија со реми исход. Тој меч заврши со резулат 2-2, двапати гостите поведуваа и двапати успеавме да изедначиме на тој дуел кој се одигра во вторник. На првиот меч Кировски, Тодоровски и Стојчевски ја чекаа својата шанса од клупата и сите тројца влегоа во игра во вториот дел од дуелот. На денешниот втор дуел македонската селекција успеја да однесе победа со 2:0. Првиот погодок беше дело на вардарецот Филип Стојчевски во 44. минута од првото полувреме. Денес мечот во стартната постава го почнаа Стојчевски и Тодоровски, апак Андреј Кировски влезе во игра на место на капитенот на оваа селекција Шефит Шефити.
