Горјан Цветков стартер на сите три натпревари за У15 репрезентацијата, Кулуковски дебитираше во националниот дрес

Македонската фудбалска репрезентација до 15 години изминатиов период настапи на пријателски младински турнир во Сан Марино, на кој го освои второто место.

Оваа селекција која е предводена од Тони Јакимовски одигра три натпревари, на кои забележа две победи и еден пораз, кои беа доволни за да се освои второто место на турнирот. Македонија ги победи репрезентациите на Сан Марино (0:6) и Андора (0:4), додека загуби во дуелот со Латвија (3:1).

На овој турнир, дел од македонската селекција беа и двајца играчи од Вардар. Се работи за Горјан Цветков и Влатко Кулуковски. Цветков како стартер ги започна сите три меча, додека Кулуковски настапи во првите 11-сетмина на еден дуел, додека на натпреварот против Латвија влезе во игра во вториот дел.