Мечкаровски главен судија на дерби мечот со Пелистер

Македонското фудбалско дерби  помеѓу домаќинот Пелистер и нашиот ФК Вардар ќе се игра  во недела, 28-ми мај со почеток  во 16:30 часот  во Битола. Денес одредена е судиската тројка која ќе го суди овој натпревар во рамки на претпоследното 35.коло од сезонава.

Главен судија на дербито ќе биде Димитар Мечкаровски, за негови асистенти одредени се: Дејан Неделкоски и Гоце Петрески. Четврти судија на овој натпревар ќе биде  Константин Влахо од Скопје.  Истиот судија, Мечкаровски го судеше и последниот дуел помеѓу овие два ривала  на „Филип Втори“ во Скопје, тој натпревар  заврши со победа на црвено-црните со резултат  3:1.