Пораз без значење, ФК Вардар генер. “2005„ ќе игра во полуфиналето од националниот куп

Вардаровата генерација “2005„ успеа да се пласира во полуфиналето од купот на Македонија, откако утрово го одиграа реванш мечот од 1/4 финалето против екипата на Работнички. Мечот кој се одигра на теренот на Алумина го доби противникот со 2:0, но поради високата победа на Вардар од 7:1 остварена на првиот меч, избраниците на Сашо Јанев се патниците во следната рунда од ова натпреварување.

Вардар: Илиевски, Николовски, Коневски, Сековски, Величковски, Гаштаров, Лефковски, Цветков, Кукуловски, Таневски, Јакимовски.

Поради дождливото време беше и скратен овој натпревар, од претходно се знаеше дека Вардар има голема и недостижна предност, па силите се штедеа за следните мечеви во регионалната-скопска лига. По еден гол во двете полувремиња, за конечен триумф на Работнички од 2:0, но без значење за нив, со оглед дека Вардар ќе ги продолжи настапите во купот.

Инаку ова е прв пораз оваа сезона за оваа генерација на Вардар, која во лигата има десет последователни победи.