Николов за Вардар Фанс: Создадовме една фамилија со новиот тренер и тоа е многу значајно за да стигнеме до титулата

Вардарци со победа го затворија првиот круг во првата Македонска фудбалска лига. На гостувањето во Кратово, успеавме да забележиме победа од 0:3 и да ја продолжиме победничката серија. Мечот го одигравме рутинирано, знаевме како да одиграме за да дојдеме до нови бодови. Стрелци на головите беа Мијушковиќ, Хамбарџумјан и Асани. Своите впечатоци од триумфот против Силекс, за нашиот сајт ги сподели стартерот од средниот ред, Бобан Николов.

-Денешниот натпревар не беше лесен, но ние бевме максимално мотивирани и стигнавме до тоа што го посакувавме. Задоволни сме од играта која ја прикажавме, навистина играме добар фудбал и треба да продолжиме и понатаму во исто темпо. Сите сме максимално фокусирани кон заедничка цел. Создадовме една фамилија со новиот тренер и тоа е многу значајно за да стигнеме до титулата, изјави Бобан Николов за нашиот сајт.

Звонко Ивановски