Кристијан Николовски: Ние секогаш одиме на победа, така ќе биде и на градското дерби

Започнува новата сезона во првенството на младинските фудбалски категории. Викендот кој следи ќе се одигра првото коло, со дерби дуелот помеѓу екипите на Вардар и Работнички. Нашите младинци подготвени го дочекуваат овој натпревар, надевајќи се на позитивен резултат. Во подготвителниот период одиграа неколку пријателски натпревари, на кои забележаа добри резултати.

-Припремите ги поминавме одлично, работевме доста напорно речиси еден ипол месец се подготвуваме за првенството. Тоа го покажавме и на пријателските напревари, каде дојде до израз нашата спремност.

Овој меч ќе се одигра во недела со почеток од 11 часот, на теренот на Алумина.

Во првото коло играме против Работнички кој е доста квалитетен тим и има доста добри играчи. Сепак ова е градско дерби не се знае ништо, но ние секогаш одиме на победа па така ќе биде и сега. За понатамошниот дел од сезоната очекувам пред се добра игра, а резултатите ќе си дојдат сами по себе, изјави членот на младинците Николовски за нашиот сајт.

Звонко Ивановски