Како што јавува официјалното гласило на ФК Вардар раководството во текот на денешниот ден го официјализираше новиот договор со ерменскиот интернационалец во редовите на нашиот црвено-црн фудбалски колектив Ховханес Хамбарџумјан. Договорено е Ховханес Хамбарџумјан да остане црвено-црн во наредните 2,5 сезони поточно до 15 јуни 2018 година.
Хоф за црвено-црните има забележано дури 41 првенствени мечеви на кои има 13 асистенции, а стрелаше во противничките мрежи шест пати. Хоф за продолжувањето на договорот вели дека го доживува како своевидно признание за неговите досегашни игри во дресот на Вардар. Тој е задоволен од конкретните услови кои му беа понудени и воопшто не се двоумел дали да ја продоли соработката со шампионот на Македонија. Тој кај нас пристигна во сезоната 2014/15 и беше дел од ланскиот Шампионски состав на вардарци кој освои домашна титула и се закити со трофеј во “Супер-купот на Република Македонија“. Интереснен факт за Хоф е дека во Скопје се роди и неговата ќерка во средината на мај месец изминатата година чие раѓање го наговести претходно одкако постигна гол на доста интересен начин , погледнете ја фографијата во продолжение.