Петарда од помладите пионери на Фк Вардар, во мрежата на Македонија Ѓ.П.

Помладите пионери на убедлив начин се вратија на победите во првенството. На теренот на Локомотива утрово се одигра натпревар помеѓу екипите на Вардар и Македонија Ѓ.П, на кој црвено-црните славеа убедлива победа од 5:0. Марко Ѓоргиевски стрелаше два пати, а по еднаш во листата на стрелци се запишаа и Кренарт Дардиша, Горјан Трајковски и Стефан Миљковиќ.

Уште по првото полувреме, беше јасно кој ќе ги однесе трите бода од овој меч, кога Вардарци имаа голема предност од 3:0. На тој начин избраниците на Сашо Тодоровски се вратија на победничките патеки, откако минатото коло беа поразени од екипата на Пелистер. Со овој триумф Вардар е на само бод разлика од екипата на Македонија Ѓ.П.

Ова е вкупно осма победа во првенството, за оваа генерација која е многу блиску и до финалето на националниот куп. Токму против денешниот противник славевме и во групата на купот, кога забележавме победа од 4:1. Во следното коло на распоредот, е дербито со екипата на Работнички.