Vardar Fans
Вчера се одигра одложеното 17 коло во рамките на националното првенство за млади категории. Помладите пионери забележаа висок триумф на гостувањето во Тетово, против екипата на Ренова. Конечниот резултат беше 2:5. Дури четири голови постигна најдобриот стрелец на оваа генерација, Марко Ѓоргиевски. Еднаш во листата на стрелци се запиша и Кренарт Дардиша.
Условите за играше на теренот во Тетово, не беа идеални за одигрување на фудбалски натпревар. Сепак поголемата желба за освојување на трите бода и мотив беа повеќе присутни во црвено-црниот табор. Уште по првото полувреме беша најавена победата, кога на одмор се замина со убедливи 1:4. Избраниците на Сашо Тодорвски имаа многу шанси, а најголем дел од нив ги искористија стрелајки во мрежата на противникот. Оваа генерација од натпревар во натпревар игра се подобро и се наметнува како најсериозен кандидат за освојување на Шампионската титула. Во чекор ги следат екипите на Шкендија и Шкупи од Чаир.
Во следното 18-то коло, Вардарци на домашен терен ја пречекуваат екипата на Милано од Куманово. Осовојувањето на трите бода и од овој меч се неопходни за зголемување на шансите за трофејот во домашното првенство.
