Избраниците на Кралевски се вратија на победите, пионерите на Вардар подобри од Брегалница

Пионерите на фудбалскиот клуб Вардар го добија одложеното 7.првенствено коло, откако на домашен терен ја совладаа екипата на Брегалница. Во еден интересен дуел со многу голови, на крајот славеа црвено-црните со резултат од 3:2.

Тренерот Кралевски стартуваше со следниве 11-сетмина: Станковски, Радуловиќ-Величковиќ, Асани, Гугуљанов, Костовски, Крстевски, Речица, Петејчук, Омерагиќ, Фазлиу, Туша.

Вардарци први го отворија резултатот кога во 21 минута поведоа со голот на Туша Ветон за предност од 1:0. Сепак десет минути подоцна екипата на Брегалница успеа да го израмни резултатот на 1:1. Избраниците на Кралевски го вратија водството до крајот на првиот дел, кога во 34 минута погоди Азер Омерагиќ за предност од 2:1. Овој резултат беше актуелен на полувреме.

Во второто полувреме, по втор пат на мечот, Брегалница стигнува до израмнување, овој пат на 2:2. Вардар беше подобар на денешниот терен, момците имаа голема желба да се вратат на победите и тоа на крајот им успеа. Со вториот гол денес на Туша Ветон повторно поведовме со резултат 3:2, што на крајот беше и конечен.

Ова беше вкупно шестта победа за пионерите на Вардар, кои имаат уште и три нерешени резултати и се сеуште без пораз. Со овој триумф остануваат на врвот на табелата во пионерската супер лига.

Во игра влегоа уште и Величковски, Салиу, Хасани и Ѓорѓиевски.