Пионерските екипи на ФК Вардар со победи се враќаат од гостувањето во Куманово, кај екипата на Еуроспорт. Денес стартуваше натпреварувачката сезона во младинските лиги, а вардаровите надежи ги освоија бодовите на ова гостување.
Најпрво на теренот излегоа помладите пионери на Еуроспорт и Вардар, а победата им припадна на црвено-црните. Момците на Драган Стефановски-Гаге стигнаа до висока победа, која беше изразена со резултат 0:5. Уште во 5.минута од дуелот успеваме да го отвориме резултатот преку Арбин Курти кој ни донесе водство од 0:1. Имавме офанзива на овој натпревар, и често создававме шанси кон домашниот гол. Во 22 минута преку Филип Јовановски поведовме и со 0:2, додека со првиот гол и на Никола Величковски во 29 минута имавме убедливи 0:3. Овој резултат беше актуелен и по одигрување на првото полувреме.
Во вториот дел имавме контрола на играта, високото водство ни даваше простор да постигнеме уште некој погодок. Во 55 минута постигнавме гол за 0:4, а стрелец на истиот беше новото засилување, Марко Стојилевски, кој денес слави свој роденден. Конечните 0:5 на овој натпревар ги постави Филип Јовановски кој денес го постигна својот втор гол.
Вардар: Илиевски, Серафимов, Здравковски, Стојилевски, Кулуковски, Јовановски, Спасиќ, Величковски(c), Цветков, Кузмановски и Курти.
Во игра влегоа уште и Антевски, Ристовски, Цикарски и Николовски.
До службена победа стигнаа пионерите предводени од Рап-Тап. Сепак двете екипи одиграа пријателски натпревар кој го добија нашите момци со резултат 0:2. Стрелци на головите беа Огнен Здравкоски и Игор Јаневски.