Vardar Fans
Денес на терените на ФММ претпоследното коло во детската фудбалска лига го одигра генерацијата на ФК Вардар родени 2006 година. Избраниците на Филип Спасевски забележаа по една победа и нерешен резултат.
Вардар (1) го доби дуелот со екипата на Кул, на овој меч црвено-црните славеа со резултат од 3:0. Првиот директен удар кон еден од головите го имаше Аце Миовски, кој бие само во рацете на противничкиот голман. Избраниците на Спасевски беа подобрата екипа на овој дуел и на крајот заслужено победија, иако триумфот можеше да биде изразен и со поголема разлика. Втор обид кај нас имаше Нуман Ајетовиќ, кој шутира покрај голот на Кул. Вардар успеа иницијативата да ја претвори во гол, кога со перфектен удар на Алтин Алији успеавме да поведеме со 1:0.
И после отварање на резултатот продолживме да напаѓаме, а обид со глава имаше и најмладот Мицевски, кој после нафрлена топка од десната страна, бие над голот. Се обиде повторно и Алији, но резултатот остана непроменет. За одбележување се и две одлични одбрани во првиот дел на Андреј Данстак, кој на овој меч не дозволи да биде совладан. До крајот на првиот дел за одбележување се и двата удари на Ајетовиќ, првиот заврши покрај голот, додека во вториот силно шутираше, но со крајни напори голманот одбрани и топката заврши во корнер.
Вардар доминираше и во второто полувреме од натпреварот, на кој постигнавме уште два нови гола. Првиот обид во овој дел од мечот го имаше Алији кој заврши над голот на противникот. Се обиде и Кул од прекин, но ударот оди над нашиот гол. Пред да постигнеме втор гол се обиде и Лука Митревски, но топката заврши крај голот. Марко Николовски беше играчот кој зголеми на 2:0, откако шутираше од голема далечина, топката отскокна и заврши во голот.
За одбележување се и обидите на Алији и Митревски, како и на Мицевски, но без реализација. Во последната минута од мечот, Вардар ги постави конечните 3:0 преку Нуман Ајетовиќ.
Вардар (2) и Драчево одиграа со нерешен резултат од 1:1. Во првото полувреме се играше изедначено со блага иницијатива на нашата екипа.За одбележување се трите шута на Михаил Танчев од кои два завршија покрај голот а еден противничкиот голман го одбрани па сепак првото полувреме заврши без голови.
Во второто полувреме повторно иницијатива на вардарци и како резултат на тоа после една нафрлена топка од корнер Михаил Танчев со глава постигна гол за водство од 1:0. Радоста кратко траеше бидејќи при една мешаница во нашиот шеснаесетник топката дојде до еден противнички фудбалер кој со добар удар по земја ја смести топката во мрежата. До крајот на натпреварот пробуваме да постигнеме гол но безуспешно па резултатот остана 1:1
