ФК Вардар генер.2009 со победа и нерешен резултат го отвори турнирот „Вујадин Бошков Куп“

Генерацијата 2009 денес стартуваше со настапи на турнирот „Вујадин Бошков Куп“. Избраниците на Зоран Петковски одиграа два натпревари на кои остварија една победа и нерешен резултат.

Турнирот го отворивме со натпревар против екипата на Нови Сад, кој заврши со почетниот резултат 0:0. Можеме да жалиме што не дојдовме до победа со оглед дека бевме поквалитетни од противникот, имавме и три добри шанси за погодок, кои останаа неискористени.

Во рамките на второто коло во групата се сретнавме вечерва против екипата на Темишвар. И на овој меч доминиравме, имавме повеќе од играта, создававме шанси од кои две успеавме да претвориме во погодок. Мартин Смиљков беше играчот кој ни донесе предност од 1:0, додека резултатот на 2:0 го зголеми Матеј Николов. И двата гола, беа со асистенции од Јаков Стојковски.  Одлични на голот беа нашите Марко Баснарков и Даријан Денковски.

Вардар е многу блиску до пласман во 1/8 финалето, кое треба да го потврди на утрешниот натпревар против екипата на Национал Ниш.