Monday ,11 December 2017
Последни:
Home > ФК Вардар > У-19 > Кадетите убедливи во Струмица, младинците загубија од А.Пандев
Кадетите убедливи во Струмица, младинците загубија од А.Пандев

Кадетите убедливи во Струмица, младинците загубија од А.Пандев

Денес во Струмица, натпревари од 13 првенствено коло одиграа кадетите и младинците на ФК Вардар. Победа забележаа кадетите (0:3), додека младинците се поразени од А.Пандев со резултат 0:2.

Избраниците на Влатко Колев, кадетите успеаа да психички да се вратат после елиминацијата во четвртфиналето на купот и денес на гостински терен убедливо ја победи Академија Пандев. По првото полувреме имавме минимално водство од 0:1, а стрелец на голот беше Виктор Пешевски, повратникот во првите 11 на оваа генерација. Имавме поголем дел од играта и во второто полувреме, додека домашната екипа беше безопасна кон нашиот гол, па голманот Тимевски немаше многу работа. Вардар успева да зголеми на 0:2 во 55 минута, а стрелец е Милан Благојевиќ. До крајот на мечот постигнуваме нов трет гол за поубедлива победа од 0:3, откако во 78 минута погоди исто така Благојевиќ, со што го постави конечниот резултат на овој дуел.

ФК Вардар: Тимевски, Радески, Калчиноски, Пешевски, М.Младеновски, Димов, Хасановиќ, Стојановски, Благојевиќ, Димоски, Ибиши.

Младинците после елиминацијата во купот загубија и нов натпревар во првенството, за кој ова е четврти оваа сезона, со што се повеќе ги губиме шансите за титулата. Денес подобри од нас беа Академија Пандев, кои славеа со резултат од 2:0. По првиот дел исто така имаа водство од 1:0.

ФК Вардар: Велковски, Дишлиевски, Антовски, Ѓорѓиески, Серафимов, Наумчески, Трајчевски, Милковски, Јахја, Маркоски, Реџепи.