Победа за генерација 2009, минимален пораз за генерација 2008, на отварање на турнирот во Истанбул

Генерациите 2008 и 2009 на фудбалскиот клуб Вардар денес ги одиграа првите натпревари, на силниот меѓународен турнир во Истанбул, на кој се натпреваруваат екипи од Македонија, Турција, Србија, Полска и Косово.

Победа на отварање на турнирот забележа генерацијата 2009 која со пресврт успеа да го победи тимот на Газиосманпаша со резултат 4:3, откако на полувреме противникот имал предност од 1:2.

Пораз во првото коло за генерацијата 2008 од екипата на Бајашекир Истанбулспор со резултат 2:1. Вардаровите надежи на овој натпревар не успеале да реализираат удар од белата точка.

Утре, двете вардарови екипи ги очекуваат нови натпревари на овој силен меѓународен турнир.