Vardar Fans
Фудбалерите на Вардар попладнево гостуваа во Кочани кај екипата на ФК Осогово. Овој пријателски натпревар заврши предмалку, а ,,црвено – црните” oд Скопје го добија со резултат 0:2 (0:2).
Уште по првите 45.минути беше решен победникот на овој натпревар. Веќе во 5.минута преку Филип Петковски, Вардар дојде до предност. Кон крајот на првиот дел, односно во 37.минута Дејан Блажевски стрелаше прецизно од белата точка за 0:2 на полувреме и конечен резултат од овој пријателски натпревар.
Доколку биде се како што треба, новата сезона во Втората лига ќе стартува идната недела. Паровите за првото коло се уште не се извлечени.
ФК Вардар: Илиќ, Велковски, Мишковски, Стојанов, Глишиќ, Пеев, Керим, Парталко, Блажевски, Петковски, Петров.
Играа уште и Јовчев, Шабани, Стојковски, Ѓоргоски, Давков, Блажевски, Нијаз, Љамчевски, Мирков, Грозданоски и Панов.
