Дошев донесе победа за младинците, додека кадетите загубија минимално од Шкендија

Денес на спортскиот комплекс во населбата Хиподром, контролни натпревари со екипата на Шкендија одиграа нашите кадети и младинци.

Кадетите на Вардар беа минимално поразени со резултат 0:1, со гол во првото полувреме од натпреварот кој беше постигнат после после центар шут од корнер на втора статива, се одби топката која стигна до еден од противничките играчи кој ја затресе нашата мрежа. Вардар најголемата прилика за израмнување ја имаше пред самиот крај на натпреварот кога Андреј Петровски излезе насамо со голманот на тетовчани, проба да го лобува, но не успеа да постигне гол.

Вардар: Данстак, Здравковски, Таневски, Трајковски, Ивановски, Цветков, Анчевски, Абаз, Блажевски, Јовановски и Недељковиќ.

Вардаровите младинци стигнаа до убедлива победа, која беше изразена со резултат 4:2. На полувреме резултатот беше нерешен 1:1. Ѓорѓи Дошев беше играчот кој успеа да постигне хет-трик, два феноменални гола постигна од слободен удар, додека еден со удар од преку 25 метри. Пред крајот на натпреварот во листата на стрелци се запиша и Мартин Илиевски, кој погоди на асистенција од Живков. Имавме шанси и во првото полувреме преку Величковски, но голманот на Шкендија успешно одбрани.

Вардар: Стојковски, Трпезановски, Стојилевски, Каровски, Трајковски, Дошев, Серафимов, Здравковски, Стојановски, Јусуфи и Величковски.