Friday ,14 June 2024
Последни:
Home > ФК Вардар > Петлиња > Вардар генер. ”2006” убедливa денеска, 9 голoви во мрежата на Албарса нашите играчи испорачаа!
Вардар генер. ”2006” убедливa денеска, 9 голoви во мрежата на Албарса нашите играчи испорачаа!

Вардар генер. ”2006” убедливa денеска, 9 голoви во мрежата на Албарса нашите играчи испорачаа!

Денеска се одигра ново коло во Детската фудбалска лига. Генерацијата ”2006” предводена од Игор Кралевски запиша уште две убедливи победи против тимовите на Албарса 1 и 2. Албарса оваа сезона важи за една од подобрите екипи во лигата, но нашите момчиња доминираа и на двата натпревари, со вкупно 9 постигнати погодоци.

Вардар (1) победи со резултат 3:1 со головите на Марко Николовски (2) и Стефан Коловски. Натпреварот започна со иницијатива на нашите играчи, првите две шанси ги имаше нашиот тим но топката отиде покрај голот на Албарса. Дојде и првиот гол за ФК Вардар, Давид Голубов пројде по страна го проигра Марко Николовски кој постигна гол за 1-0. При крајот на првиот дел Албарса изедначи на 1-1, еден играч на Албарса упати удар високо под пречката за 1:1. Во вториот дел Вардарци заиграа уште подобар фудбал, прв се закани Колоски но ја погоди пречката од голот на Албарса. Потоа следуваше и вториот гол за Вардар, Данстак упати една топка, еден играч на Албарса киксна, тоа го искористи Коловски за прв гол денеска и 2:1. Потоа дојде и третиот гол, повторно дело на Марко Николовски кој успеа да помине неколку играчи и да го матира голманот на противниците за сигурна победа на Вардар (1) од 3:1

Вардар (2) продолжи да ”гази” во детската лига. Овој пат нова ”жртва” беше тимот на Албарса (2) со убедливи 6:0, нашите момчиња во целост го надираа тимот на Албарса, кој речиси и да не шутна кон нашиот гол. Една лесна, убедлива игра на избраниците на Кралевски, кој и на оваа средба покажаа дека се работи за супер талентирана генерација. На оваа средба во листата на стрелците се запишаа: Милош Спасовски (2) Михаил Николов (2) додека пак Данил Ордевски и Ангел Настевски еднаш ја затресоа мрежата на Албарса.