ФК Вардар генерација 2007 на убедлив начин го одигра ова коло во Детската лига, против тимовите на Работнички и Македонија ЃП. Двете екипи на избраниците Томче Трајановски забележаа победи на денешните натпревари.
ФК Вардар (1) одигра натпревар против Работнички. Овој натпревар нашите млади момчиња го добија со резултат 5:0. Вардар тргна убедливо, го надигра тимот на Работнички во сите сегменти на играта, а да не беше голманот на противникот и стативите разликата можеше да биде поголема. Борјан Томовски постигна четири погодоци денеска, додека пак Марко Киш погоди еднаш за убедливи 5:0.
ФК Вардар (2) одигра натпревар против врсниците од ФК Македонија ЃП. И на овој натпревар нашите млади момчиња доминираа во текот на целиот натпревар и победија со резултат 5:0. Во текот на целиот меч Вардар ја имаше контролата на топката, створи многу шанси за погодок, па на крај броеше до пет. Прв погоди Петар Мицевски за 1:0, потоа зголеми Марко Крстевски на 2:0. Следуваа два гола на Алексеј Ивановски за убедливи 4:0, додека точка на овој меч стави повторно Марко Крстевски за убедливи 5:0.
Допадлива игра за око од оваа наша најмлада генерација која се натпреварува во детската лига. Пролетниот дел од сезоната е многу успешен за оваа генерација.