Момците на Кралевски, Вардар ген.2009 како тајфун на турнирот во Бугарија со три убедливи победи

ФК Вардар генер.2009 предводена од Игор Кралевски е на силен меѓународен турнир во Бугарија. Денес момците на Кралевски на турниот кој се игра во градот Дупница одиграа три дуели. Одлична игра прикажаа црвено-црните момци и победија на сите три меча. Радува тоа што сите победи се со убедлив резултат.

Во првиот меч го совладавме тимот на Мерек со високи 4-1. На оваа средба доминиравме во целост, ние диктиравме темпо. За нас погодија три момци: Дарин Михајловски (2), Андреј Кралевски и Васко Папаливски.

Потоа следеше меч со идентичен резултат ја совладавме екипата на ФК  Хлапетата. Овде за нас погодија двајца момци, Матеј Николов погоди три пати, а Папаливски и на овој меч “испорача“ еден гол.

Следеше и трет дуел, имаше замор, но одлично изротира нашиот тренер и победивме уште еднаш. Во оваа средба на мегдан искочивме со тимот на Мерек-2, победата беше најубедлива на овој дуел. До треттата победа и 100% ефект дојдовме со високи 5-1. За нас стрелаа, двапати Андеј Кралевски, по еднаш погодија: Марко Петровски, Васко Папаливски и Јаков Стојковски.