Попзлатанов и Исени повикани за У21, покани од Ерменија за Барсегјан и Хамбарџумјан

На крајот на месецов, март, голем број црвено-црни фудбалери ќе имаат обврски кон своите национални селекции.  Меѓу нив се, Јован Попзлатанов и Бесар Исени, кои што денеска се најдоа на списокот на селекторот на младата репрезентација на Македонија, Благоја Милевски, за пресојните два квалификациски натпревари против Русија во Скопје и против Австрија на гостински терен на 23-ти и на 27-ми март.

Покрај тоа за ерменскиот национален тим  добија покани   двајцата вардарови играчи, Ховханес Хамбарџумјан и Тигран Барсегјан за престојните два натпревари против Естонија и против Литванија кои ќе се играат во Ереван. Станува збор за  пријателски дуели,  момците на  селекторот Артур Петросјан  ќе играат  на 24 и на 27 март.