Пом.пионери обезбедија финале на „Пирин Купот“, совладана екипата на Арда

Во полуфиналето на „Пирин Куп 2020„ кој се игра во соседна Бугарија, денес ФК Вардар генерација 2004 година се сретна со тимот на Арда. На оваа средба момците на Сашо Тодоровски-Рап Тап обезбедија меч за златен медал.

Во полуфиналето ние доминиравме целосно, нашите помлади пионери ја имаа доминацијата на теренот и го контролираа дуелот во целост, покажавме многу повеќе од ривалот. Победата дојде со два гола предност, односно со резултат 2-0. За нас стрелци на погодоците на овој полуфинален дуел беа: Левен Ибраим и Огнен Здравковски. Финалето на програмата е утре, ривал ни е тимот од Бугарија, екипата на ФК Черно Море.

За нас денес започнаа: Ангелов, Каровски, Љушев(к), Милошевски, Ричков, Хајдари, Здравкоски, Стоимов, Перковски, Попов и Ибраим.
Во игра уште влегоа: Ивановски, Анчевски и Цеков.