Помладите пионери на фудбалскиот клуб Вардар го доживеаа првиот пораз оваа сезона во првенството. На дерби натпреварот одигран во Тетово, екипата на Шкендија на крајот славеше триумф со резултат 4:3. Стрелци на погодоците за Вардар беа Ибрахим Ариф (2) и Кристијан Чурлинов.
Тренерот Сашо Јанев го започна натпреварот во следниот состав: Андов, Чурлинов, Бојковски, Апостоловски, Мирчевски, Манасиевски, Ристески, Астарџиев, Петкоски, Ариф, Асенов.
По многу резултатски пресврти, за жал на крајот го изгубиме овој натпревар. Домаќинот беше прв кој го отвори резултатот и поведе со 1:0. Сепак примениот погодок не ги обезхрабри нашите момци, кои тргнаа офанзивно кон голот на Шкендија. Таквата игра и ни донесе резултат, откако успеавме комплетно да го свртиме резултатот во своја корист и да поведеме со 1:2. Ибрахим Ариф најпрво израмни, за потоа и Кристијан Чурлинов да донесе предност. Со овој резултат се замина на полувреме.
Во вториот дел, противникот успева да го израмни резултатот на 2:2. Сепак Вардар во продолжение повторно успева да поведе на овој меч со резултат 2:3. До крајот на мечот Шкендија постигнува два гола, од кои еден од скратен корнер, а последниот гол беше некаде во последните минути од натпреварот.
Ова е прв пораз за оваа Вардарова генерација во сезоната. Шкендија и Вардар имаат по ова коло се зирамнуваат со бројот на освоени бодови, додека доколку забележи победа Работнички ќе биде новиот лидер во оваа генерација.