Незгоден пораз за ФК Вардар на гостувањето кај Беса

Екипата на ФК Вардар доживеа незгоден пораз на гостувањето кај екипата на Беса (2:1) и на тој начин си го отежна патот кон пласман во ПМФЛ од следната сезона.

Почетокот на натпреварот не навестуваше ваков конечен исход на стадионот во с.Врапчиште, со оглед дека црвено-црните многу рано уште во 2.минута од натпреварот со голот на Дарио Десниќ успеаа да го отворат резултатот и да поведат со 0:1. Сепак во 39.минута после нафрлена топка од слободен удар, еден од играчите на Беса нечуван од никого, успеа со глава да ја погоди нашата мрежа и да го израмни резултатот на 1:1, кој беше актуелен по 45 минути игра.

И во вториот дел, Вардар прими речиси идентичен гол како и првиот, за целосен резултатски пресврт и пораз со резултат 2:1.

Останатите наши конкуренти за највисок пласман денес беа сигурни и остварија високи победи. После ова коло, Вардар го загуби првото место од екипата на Воска која има 56 бодови, пред Вардар со 55 и Гостивар со 54 бодови.