Денеска се одигра 15 коло во рамките на националното првенство на младинските категории. Генерациите на Вардар имаа лош ден, забележувајќи само една победа и три порази од екипата на Металург. Единствено помладите пионери беа успешни, против своите врсници.
-Пионерите загубија од речиси добиен натпревар. Имаа неколку шанси кои не ги искористија, тоа успешно го казни противничкиот тим кој забележи победа од 1:2. По првото полувреме резултатот беше нерешен 1:1. Единствениот стрелец за црвено-црните, беше капитенот Дејан Маркоски.
-Младинците продолжуваат и понатаму без победа во пролетниот дел. Ова е веќе 5-ти последователен неуспех во вториот дел од сезоната. Избраниците на Петар Ѓоргиевски дефинитивно се наоѓаат во лоша играчка форма. Првиот дел заврши без голови 0:0. Во второто полувреме Металург го скрши отпорот на Вардар, забележувајќи победа од 2:0. Стрелеци на головите беа Јасир Алии и Саше Шопоски.
Нешто не “штима“ во младите категории на фудбалскиот клуб Вардар и покрај одличните услови за работа. Единствено помладите пионери и кадетите играат во посакуваната форма, и остваруваат добри резултати.
Фото: ТК Медиа