Фудбалскиот клуб Вардар утре ќе замине за Анталија, каде во наредниот период ќе го одработи главниот дел од подготовките за стартот на пролетниот дел.
Со првиот тим ќе заминат и голем број на играчи од младинската школа на клубот. Покрај играчите кои имаат професионални договори со клубот, како што се Матеј Андов, Леонид Игнатов, Азер Омерагиќ, Филип Манасиевски и Александар Ѓурковски, во Анталија ќе заминат и четворица играчи кои се родени 2002 година и кои настапуваат за кадетите на Вардар. Се работи за Мартин Радуловиќ-Величковиќ, Анатолиј Петјчук, Дамјан Трајановски и Виктор Крстевски.
Утрово, екипата го одработи последниот тренинг на спортскиот комплекс во населбата Хиподром, а утре наутро ќе замине за Анталија.